Arena брэндийн 50 жилийн түүх: Усны спортын технологийн хувьслын лидер

Усны спортын тэргүүлэгч брэнд Arena 1973 онд байгуулагдсанаасаа хойш дэлхийн хэмжээнд уралдааны сэлэлтийн хөгжилд шинэчлэл авчирч, технологийн дэвшил бүхий спортын хувцас, тоног төхөөрөмжөөрөө олон сая хэрэглэгчийн итгэлийг хүлээсээр байна.

Arena брэндийг Германы алдарт спортын бизнесмен Хорст Дасслер (adidas-ийг үндэслэгч Адольф Дасслерийн хүү) анх үүсгэн байгуулжээ. 1972 оны Мюнхений Олимпод Марк Спитцийн гайхалтай амжилтыг хараад, уралдааны сэлэгчдэд зориулсан технологийн дээд зэрэглэлийн swimwear хөгжүүлэх санаа түүний толгойд төрсөн нь Arena-ийн эхлэл байв.

Шинэчлэл ба технологийн хувьсгал

Байгуулагдсан эхний жилдээ л Arena анхны инновацлаг бүтээгдэхүүн болох Skinfit® усны хувцасаа танилцуулж, усны эсэргүүцлийг бууруулсан онцгой бүтцээрээ спортын ертөнцийг гайхшруулсан. Үүний дараа брэнд олон арван жилд дараах шилдэг технологиудыг хөгжүүлсээр ирсэн:

• Flyback® – илүү уян хатан, хөдөлгөөнд саадгүй нуруутай хийц
• AquaRacer® – гөлгөр гадаргуутай, өндөр гүйцэтгэлтэй уралдааны загвар
• Powerskin Xtreme, R-evolution – олон улсын тэмцээнүүдийн рекордыг шинэчлэхэд хувь нэмэр оруулсан өндөр технологийн костюмнууд
• X-Glide (2009) – Time сэтгүүлийн “Шилдэг 50 инноваци”-ийн нэгээр нэрлэгдсэн супер костюм

Эдгээр технологи нь Arena-г дэлхийн топ сэлэгчдийн сонголт болгоход гол нөлөө үзүүлсэн бөгөөд олон олимпын аваргууд тус брэндтэй хамтран ажиллаж ирсэн.

Дэлхийд танигдсан амжилт

1990 оноос хойш Arena олон улсын зах зээлд эрчимтэй тэлж, өнөөдөр дэлхийн 100 гаруй улсад албан ёсны борлуулалттай болсон. Брэндийн уралдааны костюм, нүдний шил, малгай зэрэг усны спортын бүтээгдэхүүнүүд нь FINA-ийн олон улсын тэмцээнүүдэд тамирчдын гол сонголт байдгаараа алдартай.

Байгальд ээлтэй шинэ үе

Сүүлийн жилүүдэд Arena тогтвортой байдлыг өөрийн хөгжлийн гол чиглэл болгож, байгальд ээлтэй материал ашигласан бүтээгдэхүүнүүдийг нэвтрүүлж эхэлсэн. 2024 онд Arena анхны дахин боловсруулсан эдлэл бүхий уралдааны костюм St Next-ийг танилцуулсан нь салбартаа шинэ жишиг тогтоов.

Мөн The Woolmark Company-тай хамтран мерино ноосоор хийсэн усны хувцасны цуглуулга танилцуулсан нь спортын загварын зах зээлийг өргөжүүлсэн инновац болж байна.

50 жилийн амжилтаа тэмдэглэн

2023 онд Arena брэнд 50 жилийн ойгоо тэмдэглэн, тусгай ойн цуглуулга, түүхэн үзэсгэлэн, олон улсын спортчдын оролцоотой арга хэмжээнүүдийг зохион байгуулсан. “Water Instinct” уриатай Arena нь ирээдүйд ч сэлэгчдийн гүйцэтгэл, усны спортын хөгжлийг дэмжих технологи, инновацид анхаарлаа төвлөрүүлэхээ мэдэгдээд байна.